«Барселона» ҳужумчиси Ферран Торрес «Эльче»га қарши 3:1 ҳисобидаги ғалабадан сўнг ўйин ҳақида фикр билдирди.
25 ёшли испаниялик футболчи «кўк-анорранглилар»нинг иккинчи голи муаллифи бўлди. Шунингдек, Ламин Ямал ва Маркус Рэшфорд ҳам биттадан гол урди.
«Ўйинни юқори шиддат билан бошлаш ва тезда ҳисобни очиш жуда муҳим эди — бу бизга кейинчалик вазиятни назорат қилиш имконини берди. Менимча, биз яна ўтган мавсумдаги “Барса”ни кўра бошладик. Гол урганимдан жуда хурсандман — мен ҳар доим жамоага ёрдам беришга интиламан», — деди Торрес ўйиндан кейинги интервьюда.
11 турдан сўнг «Барселона» 25 очко билан Ла Лиганда иккинчи ўринда боряпти ва етакчи «Реал»дан 5 очко орқада.
