«Milan» bosh murabbiyi Massimiliano Allegri A Seriyaning 10-turidagi "Roma"ga qarshi bahsdan so‘ng jamoa o‘yini haqida fikr bildirdi.

«Birinchi 35 daqiqada “Roma” hisobni ochishga to‘liq haqli edi, chunki biz hammasini noto‘g‘ri bajarayotgandik. Bu, albatta, “Roma”ning katta bosimi bilan bog‘liq edi — biz hujumga chiqolmadik. Shu sababli Bartezagi va De Vinterni orqaroqqa tushirdik, shunda oldinda ko‘proq bo‘sh joy yaratish imkoni bo‘ldi.

Hisobni ochganimizdan so‘ng himoyada yaxshiroq harakat qildik va to‘rt yarim himoyachi bilan sxemaga o‘tdik. Ikkinchi bo‘limni to‘g‘ri kayfiyat bilan boshladik va ustunlikni oshirish imkoniyatlariga ega bo‘ldik. Keyin “Roma” o‘yinni biroz tikladi, lekin deyarli golli vaziyatlar yarata olmadi», — dedi Allegri uchrashuvdan so‘ng.