«Милан» бош мураббийи Массимилиано Аллегри А Сериянинг 10-туридаги "Рома"га қарши баҳсдан сўнг жамоа ўйини ҳақида фикр билдирди.
«Биринчи 35 дақиқада “Рома” ҳисобни очишга тўлиқ ҳақли эди, чунки биз ҳаммасини нотўғри бажараётгандик. Бу, албатта, “Рома”нинг катта босими билан боғлиқ эди — биз ҳужумга чиқолмадик. Шу сабабли Бартезаги ва Де Винтерни орқароққа туширдик, шунда олдинда кўпроқ бўш жой яратиш имкони бўлди.
Ҳисобни очганимиздан сўнг ҳимояда яхшироқ ҳаракат қилдик ва тўрт ярим ҳимоячи билан схемага ўтдик. Иккинчи бўлимни тўғри кайфият билан бошладик ва устунликни ошириш имкониятларига эга бўлдик. Кейин “Рома” ўйинни бироз тиклади, лекин деярли голли вазиятлар ярата олмади», — деди Аллегри учрашувдан сўнг.
