Madridning "Real" klubi bosh murabbiyi Xabi Alonso "Liverpul"dagi faoliyati murabbiy sifatida shakllanishida muhim rol o‘ynaganini e’tirof etdi.
"Liverpul"dagi faoliyatim menga qattiq ta’sir qildi. Rafael Benites bilan besh yil birga bo‘lib, ko‘p narsalarni o‘rgandim. Elita darajasidagi futbol nimaligini tushundim. Bu tajriba hozir menga yordam bermoqda. Futbolni yaxshi ko‘rsangiz, bu yerda o‘ynashni yoqtirasiz. Bu meni futbolchi va murabbiy sifatida yanada yaxshi qilgan ajoyib yillar edi. O‘sha davrning ko‘p jihatlari hali ham yodimda va bu menga bugungi kunda yordam bermoqda", - dedi Alonso.
Ispaniyalik sobiq futbolchi 2004-2009 yillarda "Liverpul" sharafini himoya qilgan va jamoa bilan Chempionlar ligasida g‘olib chiqqan.
