Мадриднинг "Реал" клуби бош мураббийи Хаби Алонсо "Ливерпуль"даги фаолияти мураббий сифатида шаклланишида муҳим роль ўйнаганини эътироф этди.
"Ливерпуль"даги фаолиятим менга қаттиқ таъсир қилди. Рафаэль Бенитес билан беш йил бирга бўлиб, кўп нарсаларни ўргандим. Элита даражасидаги футбол нималигини тушундим. Бу тажриба ҳозир менга ёрдам бермоқда. Футболни яхши кўрсангиз, бу ерда ўйнашни ёқтирасиз. Бу мени футболчи ва мураббий сифатида янада яхши қилган ажойиб йиллар эди. Ўша даврнинг кўп жиҳатлари ҳали ҳам ёдимда ва бу менга бугунги кунда ёрдам бермоқда", - деди Алонсо.
Испаниялик собиқ футболчи 2004-2009 йилларда "Ливерпуль" шарафини ҳимоя қилган ва жамоа билан Чемпионлар лигасида ғолиб чиққан.
