Marselo Ispaniya media ligasida hakamlikni tanqid qildi.
"Real"ning sobiq himoyachisi o‘zining "Skall" klubida Qirollik ligasidagi ikkinchi o‘yinini o‘tkazdi. Jamoa xBuyer Team qarshi o‘yinda mag‘lubiyatga uchradi - 3:5.
Uchrashuv davomida 37 yoshli futbolchi hakamning qarorlariga bir necha bor emosional tarzda munosabat bildirdi.
Xususan, ikkinchi bo‘limda himoyachining zarbasidan so‘ng Marselo raqib jarima maydonchasi ichida yiqildi, biroq hakam qo‘pollik demadi, bu esa Madridning sobiq sardorini qattiq g‘azablantirdi.
"Bunday holat "Barselona"ga qarshi har doim sodir bo‘lgan; bu uzoq vaqtdan beri davom etmoqda. Biz esa bunga ko‘nikib qoldik. Yana izoh kerakmi?" - Marselo o‘yindan keyin.
