Yosh fransuz himoyachisi Leni Yoro o‘z karyerasidagi avvalgi bosqichlarda “Real” va boshqa yirik klublar qiziqishi haqida fikr bildirdi.
“Ha, men OAV qanday ishlashini yaxshi bilaman. Ba’zan tarqalgan ma’lumotlar haqiqatga to‘liq mos kelmaydi. Karyerada tanlov qilishga to‘g‘ri keladi.
Menga faqat “Real Madrid” yoki “Yunayted” emas, balki yana ko‘plab klublar qiziqish bildirgan. Lekin bugun mening tanlovim — "Manchester", va men bu qarordan juda mamnunman,” — dedi Yoro.
Yosh futbolchi shunday deb qo‘shimcha qildi:
“Bilaman, o‘tgan yili natijalar sabab ayrimlar bu tanlovni muhokama qilgandi — men ularni tushunaman. Lekin rostini aytsam, bu mening tanlovim, mening karyeram. Nima qilayotganimni yaxshi bilaman va kelajakda faqat yanada kuchliroq bo‘laman.”
Yoro hozirgi kunda “Manchester Yunayted” safida faoliyat olib bormoqda va jamoa mudofaasidagi asosiy figuralardan biriga aylanmoqda.
