Ёш француз ҳимоячиси Лени Йоро ўз карьерасидаги аввалги босқичларда “Реал” ва бошқа йирик клублар қизиқиши ҳақида фикр билдирди.

“Ҳа, мен ОАВ қандай ишлашини яхши биламан. Баъзан тарқалган маълумотлар ҳақиқатга тўлиқ мос келмайди. Карьерада танлов қилишга тўғри келади.

Менга фақат “Реал Мадрид” ёки “Юнайтед” эмас, балки яна кўплаб клублар қизиқиш билдирган. Лекин бугун менинг танловим — "Манчестер", ва мен бу қарордан жуда мамнунман,” — деди Йоро.

Ёш футболчи шундай деб қўшимча қилди:

“Биламан, ўтган йили натижалар сабаб айримлар бу танловни муҳокама қилганди — мен уларни тушунаман. Лекин ростини айтсам, бу менинг танловим, менинг карьерам. Нима қилаётганимни яхши биламан ва келажакда фақат янада кучлироқ бўламан.”

Йоро ҳозирги кунда “Манчестер Юнайтед” сафида фаолият олиб бормоқда ва жамоа мудофаасидаги асосий фигуралардан бирига айланмоқда.