Sloveniya terma jamoasi bosh murabbiyi Matyaj Kek "Manchester Yunayted"ni hujumchi Benjamin Sheshko bilan yuzaga kelgan vaziyatda hurmatsizlikda aybladi.
Shesko o‘tgan shanba kuni "Tottenxem"ga qarshi o‘yinda tizzasidan olgan jarohati tufayli Sloveniya terma jamoasining xalqaro o‘yinlarini o‘tkazib yuborishi kutilmoqda.
Ayni paytda, "Manchester Yunayted" sloveniyalik hamkasblariga Sheshkoning jarohati haqida ma’lumot bermadi va bu Kekni eng ko‘p g‘azablantirmoqda.
"Manchester Yunayted"dek buyuk klubni hurmat qilsak, biz ulardan hali hech narsa olganimiz yo‘q - na qog‘oz, na hujjat.
Biz ularni albatta qabul qilishni xohlaymiz. Tibbiy guruhimiz ham ularni ko‘rib chiqishini istaymiz. Bizning shifokorimiz bu sohada mutaxassis.
Men bu haqda izoh bera olmayman, lekin menda ba’zi ma’lumotlar bor va Benjamin bilan aloqadaman.
Men hech narsa deya olmayman, chunki biz rasman hech narsa bilmaymiz. "MYU" bizning lagerda hech kim bilan aloqada bo‘lmagan. Albatta, men futbolchi haqida qayg‘uraman, men uchun yagona narsa - uning farovonligi.
Biz uning farovonligi uchun hamma narsani qilishga tayyormiz va hech qachon zarracha tavakkal qilib, hech kimni maydonga tushirmaymiz. Biroq, milliy terma jamoa juda o‘ziga xos narsa va men hammadan o‘ta hurmatni talab qilaman. Garchi boshqa tomon Angliyadek kuch va Premyer-liga kabi ajoyib liga bo‘lsa ham, Sloveniya bunga loyiq.
Axir, Angliya Sloveniyaga mag‘lub bo‘lganiga ancha bo‘ldi va buning o‘zi nimanidir ko‘rsatmoqda", - dedi Kek Evening Standard bilan suhbatda.
