Madridning "Real" klubi sobiq yarim himoyachisi Xames Rodriges Meksikaning "Leon" klubini tark etishi avvalroq xabar qilingandi. Jurnalist Fabrisio Romanoning ma’lum qilishicha, xavbek yil oxirigacha mo‘ljallangan shartnomani uzaytirmoqchi emas.

Tajribali xavbek erkin agentga aylanib, barqaror o‘yin amaliyotiga ega bo‘ladigan yangi jamoa topmoqchi. Xames Kolumbiya terma jamoasining 2026 yilgi jahon chempionati qaydnomasidan o‘rin olmoqchi.

Eslatib o‘tamiz, Kolumbiya terma jamoasi Janubiy Amerikadagi saralash turnirida 28 ochko to‘pladi. Uchinchi o‘rindan terma jamoa mundialga to‘g‘ridan-to‘g‘ri yo‘llanmani qo‘lga kiritdi.