Angliya terma jamoasi himoyachisi Ris Jeyms JCH-2026 tashkilotchilari AQSH, Kanada va Meksikada final musobaqasi o‘tkaziladigan kunlarda havo harorati ko‘tarilishi sababli o‘yinlar boshlanish vaqtini kechiktirishiga umid bildirdi.
"Shubhasiz, bu yordam bergan bo‘lardi - o‘yinlarni kechroq, unchalik issiq va nam bo‘lmagan vaqtda boshlash. O‘yinlarning boshlanish vaqti haqida fikrimni so‘rashmadi. Kimdandir so‘rashganiga ishonchim komil. Ehtimol, menejerlar yoki klublardagi odamlardan. Ishonchim komilki, ular qandaydir javob olishdi. Bu issiqda o‘ynash uchun juda qiyin, ayniqsa, Angliyada o‘ynayotgan biz uchun ilgari bunaqasi bo‘lmagan.
Mehmonxonadan chiqishing bilan issiqlikni his qilasan. Bu o‘yin uchun qiyin sharoitlar va biz u yerda bo‘lganimizda maydonlar ham yaxshi emas edi, bu vazifani biroz murakkablashtirdi, ammo umid qilamanki, jahon chempionati boshlanishiga qadar hammasi yaxshilanadi", - deya 25 yoshli futbolchining so‘zlarini keltiradi ESPN.
