Англия терма жамоаси ҳимоячиси Рис Жеймс ЖЧ-2026 ташкилотчилари АҚШ, Канада ва Мексикада финал мусобақаси ўтказиладиган кунларда ҳаво ҳарорати кўтарилиши сабабли ўйинлар бошланиш вақтини кечиктиришига умид билдирди.
"Шубҳасиз, бу ёрдам берган бўларди - ўйинларни кечроқ, унчалик иссиқ ва нам бўлмаган вақтда бошлаш. Ўйинларнинг бошланиш вақти ҳақида фикримни сўрашмади. Кимдандир сўрашганига ишончим комил. Эҳтимол, менежерлар ёки клублардаги одамлардан. Ишончим комилки, улар қандайдир жавоб олишди. Бу иссиқда ўйнаш учун жуда қийин, айниқса, Англияда ўйнаётган биз учун илгари бунақаси бўлмаган.
Меҳмонхонадан чиқишинг билан иссиқликни ҳис қиласан. Бу ўйин учун қийин шароитлар ва биз у ерда бўлганимизда майдонлар ҳам яхши эмас эди, бу вазифани бироз мураккаблаштирди, аммо умид қиламанки, жаҳон чемпионати бошланишига қадар ҳаммаси яхшиланади", - дея 25 ёшли футболчининг сўзларини келтиради ESPN.
