Angliya terma jamoasi bosh murabbiyi Tomas Tuxel bir vaqtning o‘zida Fil Foden, Jud Bellingem va Xarri Keynni Angliya terma jamoasi asosiy tarkibida maydonga tushirish imkoniyatini ko‘rmayotganini ma’lum qildi.
Uning so‘zlariga ko‘ra, ulardan tashqari turli pozisiyalarni muvaffaqiyatli yopishga qodir bo‘lgan boshqa futbolchilar ham bor.
"Ayni paytda, agar biz o‘z strukturamizni saqlab qolsak, Foden, Bellingem va Keyn bir vaqtning o‘zida asosiy tarkibda maydonga tusha olmaydi," - dedi germaniyalik mutaxassis matbuot anjumanida jurnalistlarga.
Shuningdek, u jahon chempionatiga boradiganlarni tanlashi kerakligini tan oldi, chunki u barchani qaydnomaga kirita olmaydi.
Olti turdan so‘ng inglizlar 18 ochko bilan «K» guruhida peshqadamlik qilmoqda.
