Англия терма жамоаси бош мураббийи Томас Тухель бир вақтнинг ўзида Фил Фоден, Жуд Беллингем ва Харри Кейнни Англия терма жамоаси асосий таркибида майдонга тушириш имкониятини кўрмаётганини маълум қилди.
Унинг сўзларига кўра, улардан ташқари турли позицияларни муваффақиятли ёпишга қодир бўлган бошқа футболчилар ҳам бор.
"Айни пайтда, агар биз ўз структурамизни сақлаб қолсак, Фоден, Беллингем ва Кейн бир вақтнинг ўзида асосий таркибда майдонга туша олмайди," - деди германиялик мутахассис матбуот анжуманида журналистларга.
Шунингдек, у жаҳон чемпионатига борадиганларни танлаши кераклигини тан олди, чунки у барчани қайдномага кирита олмайди.
Олти турдан сўнг инглизлар 18 очко билан «K» гуруҳида пешқадамлик қилмоқда.
