Vinisius Braziliyaning Senegalga qarshi o‘rtoqlik o‘yini oldidan Karlo Anchelottining terma jamoaga ta’siri haqida gapirdi. Hozircha barcha futbolchilar murabbiy bilan ishlashdan zavq olishmoqda. Vinisius o‘ziga xos o‘yin tizimi yaratilayotganini ta’kidlaydi.

"Anchelotti bilan yangi o‘yin modelini yaratib, oldinga siljiyapmiz. O‘zligimizni topish muhim - jahon chempionatiga bir necha o‘yin qoldi. Anchelotti bizga ishonch bag‘ishladi, u har bir kishining xususiyatlarini yaxshilashga harakat qiladi.

Murabbiy har doim Braziliya xalqini baxtli ko‘rishni xohlashini aytadi. Jamoamizdagi muhit juda sokin," - deydi Vinisius Braziliya futbol federasiyasiga bergan intervyusida.

Senegalga qarshi o‘yin 15 noyabr kuni bo‘lib o‘tadi.