"Barselona" hujumchisi Robert Levandovskining agenti "Fenerbaxche" vakillari bilan futbolchining ehtimoliy transferi borasida uchrashuv o‘tkazdi. Bu haqda Haberler portali xabar bermoqda.
Manbaga ko‘ra, "sariq-ko‘klar" rahbariyati hozirda futbolchidan javob kutmoqda. Agar polshalik hujumchi faoliyatini Turkiyada davom ettirishga ijobiy munosabat bildirsa, "Fenerbaxche" mavsum yakunlanishini kutmasdan rasmiy taklif bilan chiqishi mumkin.
Amaldagi shartnomasi yozda tugaydigan 37 yoshli Levandovski jahon chempionati saralashidan o‘rin olgan Polsha - Niderlandiya uchrashuvi oldidan o‘tkazilgan matbuot anjumanida kelajagi haqida aniq javob bermadi. U joriy mavsum klublar miqyosida 11 ta o‘yinda 7 ta gol urdi.
