"Барселона" ҳужумчиси Роберт Левандовскининг агенти "Фенербахче" вакиллари билан футболчининг эҳтимолий трансфери борасида учрашув ўтказди. Бу ҳақда Haberler портали хабар бермоқда.
Манбага кўра, "сариқ-кўклар" раҳбарияти ҳозирда футболчидан жавоб кутмоқда. Агар польшалик ҳужумчи фаолиятини Туркияда давом эттиришга ижобий муносабат билдирса, "Фенербахче" мавсум якунланишини кутмасдан расмий таклиф билан чиқиши мумкин.
Амалдаги шартномаси ёзда тугайдиган 37 ёшли Левандовски жаҳон чемпионати саралашидан ўрин олган Польша - Нидерландия учрашуви олдидан ўтказилган матбуот анжуманида келажаги ҳақида аниқ жавоб бермади. У жорий мавсум клублар миқёсида 11 та ўйинда 7 та гол урди.
