Nigeriya terma jamoasi va Turkiyaning "Galatasaroy" klubi rahbariyati uchun noxush xabar - hujumchi Viktor Osimxen Kongo DR terma jamoasiga qarshi o‘yinda jarohat oldi. O‘yin davomida Osimxen o‘rniga Ispaniyaning "Sevilya" klubidan Akor Adams maydonga tushdi.
"Super-burgutlar" yetakchisining jarohati holati hozircha oshkor etilmayapti - shunga ko‘ra, uning qaytish muddatini taxmin qilish ham imkonsiz. Katta ehtimol bilan, bu bir-ikki kun ichida aniq bo‘ladi.
Eslatib o‘tamiz, Viktor Osimxen Nigeriya terma jamoasi safida 2017 yilda debyut qilgan, biroq ilk golini oradan ikki yil o‘tib, 2019 yilning sentyabrida, Ukrainaga qarshi o‘yinda kiritgan edi.













