Нигерия терма жамоаси ва Туркиянинг "Галатасарой" клуби раҳбарияти учун нохуш хабар - ҳужумчи Виктор Осимхен Конго ДР терма жамоасига қарши ўйинда жароҳат олди. Ўйин давомида Осимхен ўрнига Испаниянинг "Севилья" клубидан Акор Адамс майдонга тушди.
"Супер-бургутлар" етакчисининг жароҳати ҳолати ҳозирча ошкор этилмаяпти - шунга кўра, унинг қайтиш муддатини тахмин қилиш ҳам имконсиз. Катта эҳтимол билан, бу бир-икки кун ичида аниқ бўлади.
Эслатиб ўтамиз, Виктор Осимхен Нигерия терма жамоаси сафида 2017 йилда дебют қилган, бироқ илк голини орадан икки йил ўтиб, 2019 йилнинг сентябрида, Украинага қарши ўйинда киритган эди.













