Madridning "Real" klubi sobiq hujumchisi Mariano Dias Endrik jamoasini o‘zgartirgani ma’qul deb hisoblamoqda.
19 yoshli braziliyalik futbolchi "qaymoqranglilar" safida deyarli maydonga tushmayapti, shu bois u yanvarda ijaraga ketishi taxmin qilinmoqda. Hujumchini Fransiyaning "Lion" klubi o‘z safiga qo‘shib olmoqchi.
"Men Endrikka agar u "Real"dan ketsa, o‘yindan zavqlanishni maslahat bergan bo‘lardim. Doimo asosiy tarkibda o‘ynash - futbolchi uchun eng yaxshi narsa. Senga haqiqatan ham ishonishsa, sen o‘zingning butun salohiyatingni ochib berishing mumkin, maydonga bir necha daqiqaga chiqish esa umuman to‘g‘ri emas, chunki sen o‘zingni ko‘rsatishga ulgurmaysan. Agar Endrik ijaraga ketsa, kelajakda "Real"da o‘ynashiga hech narsa to‘sqinlik qilmaydi," - deya Mariano Diasning so‘zlarini keltiradi Madrid Universal.
Joriy mavsumda Endrik atigi bir marta maydonga tushdi.













