Мадриднинг "Реал" клуби собиқ ҳужумчиси Мариано Диас Эндрик жамоасини ўзгартиргани маъқул деб ҳисобламоқда.
19 ёшли бразилиялик футболчи "қаймоқранглилар" сафида деярли майдонга тушмаяпти, шу боис у январда ижарага кетиши тахмин қилинмоқда. Ҳужумчини Франциянинг "Лион" клуби ўз сафига қўшиб олмоқчи.
"Мен Эндрикка агар у "Реал"дан кетса, ўйиндан завқланишни маслаҳат берган бўлардим. Доимо асосий таркибда ўйнаш - футболчи учун энг яхши нарса. Сенга ҳақиқатан ҳам ишонишса, сен ўзингнинг бутун салоҳиятингни очиб беришинг мумкин, майдонга бир неча дақиқага чиқиш эса умуман тўғри эмас, чунки сен ўзингни кўрсатишга улгурмайсан. Агар Эндрик ижарага кетса, келажакда "Реал"да ўйнашига ҳеч нарса тўсқинлик қилмайди," - дея Мариано Диаснинг сўзларини келтиради Madrid Universal.
Жорий мавсумда Эндрик атиги бир марта майдонга тушди.
