Madridning "Real" klubi darvozaboni Tibo Kurtua jamoaning avvalgi va hozirgi murabbiylari - Karlo Anchelotti va Xabi Alonsoni taqqosladi. 66 yoshli italiyalik may oyi oxirida lavozimini tark etgan bo‘lsa, iyun oyi boshida uning o‘rnini 43 yoshli ispaniyalik egalladi.
"Anchelotti biz uchun otadek edi, Xabi bilan esa boshqacha. Ammo ikkalasi ham yaxshi murabbiylar va biz Karloni sog‘inganimizni aytish Alonsoga nisbatan hurmatsizlik bo‘ladi," - dedi Kurtua intervyusida.
"Real" La Liganing 12-turidan keyin turnir jadvalida peshqadamlik qilmoqda va 2-o‘rindagi "Barselona"ni 3 ochkoga ortda qoldirmoqda. 23 noyabr, yakshanba kuni "qaymoqranglilar"ning "Elche"ga qarshi navbatdagi o‘yini bo‘lib o‘tadi.
