Мадриднинг "Реал" клуби дарвозабони Тибо Куртуа жамоанинг аввалги ва ҳозирги мураббийлари - Карло Анчелотти ва Хаби Алонсони таққослади. 66 ёшли италиялик май ойи охирида лавозимини тарк этган бўлса, июнь ойи бошида унинг ўрнини 43 ёшли испаниялик эгаллади.
"Анчелотти биз учун отадек эди, Хаби билан эса бошқача. Аммо иккаласи ҳам яхши мураббийлар ва биз Карлони соғинганимизни айтиш Алонсога нисбатан ҳурматсизлик бўлади," - деди Куртуа интервьюсида.
"Реал" Ла Лиганинг 12-туридан кейин турнир жадвалида пешқадамлик қилмоқда ва 2-ўриндаги "Барселона"ни 3 очкога ортда қолдирмоқда. 23 ноябрь, якшанба куни "қаймоқранглилар"нинг "Эльче"га қарши навбатдаги ўйини бўлиб ўтади.
