Madridning "Atletiko" klubi sharafini himoya qilayotgan ispaniyalik xavbek Koke yoshi haqida gapirdi. Tez orada yarim himoyachi 34 yoshga to‘ladi.
"Hozir 33 yoshdaman, men hali ham o‘zimni yosh deb hisoblayman. Men "Atletiko"ga va ispan futboliga hali ko‘p narsa bera olaman," - deya yarim himoyachining so‘zlarini keltiradi AS.
Eslatib o‘tamiz, Koke faoliyati davomida "matraschilar" sharafini himoya qilib kelmoqda. Futbolchi va Madrid klubi o‘rtasidagi amaldagi mehnat shartnomasi muddati kelasi yilning yozida tugaydi.
Joriy mavsumda Koke 18 ta o‘yinda qatnashib, 2 ta golli uzatmani amalga oshirdi.
