Мадриднинг "Атлетико" клуби шарафини ҳимоя қилаётган испаниялик хавбек Коке ёши ҳақида гапирди. Тез орада ярим ҳимоячи 34 ёшга тўлади.
"Ҳозир 33 ёшдаман, мен ҳали ҳам ўзимни ёш деб ҳисоблайман. Мен "Атлетико"га ва испан футболига ҳали кўп нарса бера оламан," - дея ярим ҳимоячининг сўзларини келтиради AS.
Эслатиб ўтамиз, Коке фаолияти давомида "матрасчилар" шарафини ҳимоя қилиб келмоқда. Футболчи ва Мадрид клуби ўртасидаги амалдаги меҳнат шартномаси муддати келаси йилнинг ёзида тугайди.
Жорий мавсумда Коке 18 та ўйинда қатнашиб, 2 та голли узатмани амалга оширди.
