Жаҳон чемпионатининг финал баҳсида Аргентина ва Испания терма жамоалари ўзаро майдонга тушди. «Альбиселесте» минимал ҳисобда, яъни 0:1 ҳисобида мағлубиятга учради. Ягона голни ҳужумчи Ферран Торрес киритди.

39 ёшли аргентиналик ҳужумчи Лионель Месси мағлубиятдан кейин ўз фикрлари билан ўртоқлашди.

«Испанлар кучлироқ эди. Биз мағлуб бўлдик ва буни қабул қиламиз. Бироқ бундай натижа қилган ишларимизнинг барчасини унутиб юборамиз дегани эмас. Мен жуда хафаман, лекин жамоа майдонда борини берди. Йигитларга ва ўз мамлакатимга миннатдорлик билдираман», — дея ҳужумчининг сўзларини келтиради ESPN.

Ўтказилган турнирда Лионель ўз ҳисобига саккизта гол ва тўртта голли узатма ёздириб қўйди.