Himoyachi Antonio Ryudigerning "Real" bilan amaldagi shartnomasi 2025/2026 yilgi mavsum oxirigacha mo‘ljallangan. Ma’lumki, matbuotda Ryudigerning boshqa jamoaga o‘tib ketishi haqidagi mish-mishlar tez-tez uchrab turadi. Lekin hammasi hali aniq emas. Sky Germany telekanali jurnalisti Florian Plettenberg ijtimoiy tarmoqlarda "Real" va Ryudiger mehnat shartnomasini uzaytirish uchun ochiqligicha qolayotgani haqida yozdi.

Ryudiger jarohat olgunga qadar muzokaralar olib borilgan, biroq keyin ular to‘xtatilgandi. Reja shunday: avval tiklanish, keyin esa yangi muzokaralar.

Antonio Ryudiger oldida Angliya va Saudiya Arabistonida variantlari bor. Bahorda nemis 33 yoshga to‘ladi.