"Chelsi" hujumkor yarim himoyachisi Koul Palmer sentyabr oyidan beri maydonga tushmayapti, ammo "Barselona"ga qarshi Chempionlar ligasi o‘yinida maydonga qaytishi mumkin. "Ko‘klar"ning kataloniyaliklar bilan uchrashuvi 25 noyabr kuni "Stemford Brij"da bo‘lib o‘tadi.
SPORT nashri xabariga ko‘ra, "Chelsi" yulduzli angliyalik xavbek hech bo‘lmaganda o‘yin oxirida zaxiradan maydonga tushishiga katta umid qilmoqda, chunki u uzoq vaqt davomida o‘yin amaliyotiga ega bo‘lmaganiga qaramay, ushbu o‘yinda muhim rol o‘ynashi va natijaga ta’sir ko‘rsatishi mumkin.
Joriy mavsumda Koul Palmer Enso Mareska jamoasining atigi 4ta o‘yinida maydonga tushib, 2ta gol urdi.
Shanba kuni "Chelsi" Premyer-liga doirasida o‘z maydonida "Byornli"ni qabul qiladi.
