"Челси" ҳужумкор ярим ҳимоячиси Коул Палмер сентябрь ойидан бери майдонга тушмаяпти, аммо "Барселона"га қарши Чемпионлар лигаси ўйинида майдонга қайтиши мумкин. "Кўклар"нинг каталонияликлар билан учрашуви 25 ноябрь куни "Стэмфорд Бриж"да бўлиб ўтади.
SPORT нашри хабарига кўра, "Челси" юлдузли англиялик хавбек ҳеч бўлмаганда ўйин охирида захирадан майдонга тушишига катта умид қилмоқда, чунки у узоқ вақт давомида ўйин амалиётига эга бўлмаганига қарамай, ушбу ўйинда муҳим роль ўйнаши ва натижага таъсир кўрсатиши мумкин.
Жорий мавсумда Коул Палмер Энцо Мареска жамоасининг атиги 4та ўйинида майдонга тушиб, 2та гол урди.
Шанба куни "Челси" Премьер-лига доирасида ўз майдонида "Бёрнли"ни қабул қилади.













