"Barselona" "Vasko da Gama" vingeri Rayan transferi ustida ishlashda davom etmoqda. Kataloniya grandining 19 yoshli futbolchini o‘z safiga qo‘shib olish niyati haqida avval ham xabar berilgandi, endi esa, agar jurnalist Ekrem Konurning yangilangan hisobotidagi ma’lumotlarga ishonadigan bo‘lsak, "ko‘k-anorranglilar" braziliyalik futbolchiga rasmiy taklif yubordi. Potensial bitim tafsilotlari hali aniqlashtirilmagan.
Rayanning narxi taniqli Transfermarkt sayti tomonidan 18 mln yevroga baholanmoqda. Braziliya A Seriyasining bu yilgi mavsumida hujumda deyarli barcha pozisiyalarni yopishga qodir bo‘lgan istiqbolli o‘yinchi 31 ta o‘yinda 12 ta gol urdi va bitta golli uzatmani amalga oshirdi.
