"Барселона" "Васко да Гама" вингери Райан трансфери устида ишлашда давом этмоқда. Каталония грандининг 19 ёшли футболчини ўз сафига қўшиб олиш нияти ҳақида аввал ҳам хабар берилганди, энди эса, агар журналист Экрем Конурнинг янгиланган ҳисоботидаги маълумотларга ишонадиган бўлсак, "кўк-анорранглилар" бразилиялик футболчига расмий таклиф юборди. Потенциал битим тафсилотлари ҳали аниқлаштирилмаган.
Райаннинг нархи таниқли Transfermarkt сайти томонидан 18 млн еврога баҳоланмоқда. Бразилия А Сериясининг бу йилги мавсумида ҳужумда деярли барча позицияларни ёпишга қодир бўлган истиқболли ўйинчи 31 та ўйинда 12 та гол урди ва битта голли узатмани амалга оширди.
