Dortmundning "Borussiya" klubi Chempionlar ligasi umumiy bosqich 5-turidan o‘rin olgan "Vilyarreal"ga qarshi bahsda 4:0 hisobida zafar quchdi. O‘yin Germaniyadagi "Signal Iduna Park" stadionida bo‘lib o‘tdi.
Birinchi bo‘lim so‘ngida Seru Girassi hisobni ochdi. Ikkinchi bo‘lim boshida mehmonlar himoyachisi Xuan Foyt penaltiga sababchi bo‘ldi va qizil kartochko oldi. Girassi 11 metrlik jarima zarbasini golga aylantira olmadi, ammo qaytgan to‘pga birinchi bo‘lib zarba berdi va dubl qayd etdi. Oradan 5 daqiqa o‘tib Karim Adeyemi hisobni yirik ko‘rinishga olib keldi. 81-daqiqada dortmundliklarning yana bir hujumchisi Fabiu Silva ham 11 metrlik jarima zarbasini golga aylantira olmadi. Hakam tomonidan qo‘shib berilgan daqiqalardayoq Daniel Svensson "Vilyarreal" darvozasiga to‘rtinchi to‘pni yo‘lladi.
"Borussiya" ochkolarini 10 taga yetkazib, musobaqa jadvalida 4-o‘ringa ko‘tarilib oldi. "Vilyarreal" esa 34-pog‘onada bormoqda - 1 ochko.
YECHL. 5-tur
26 noyabr, 01:00
Borussiya Dortmund - Vilyarreal - 4:0
Gollar: Girassi, 45+2 (1:0). Girassi, 54 (2:0). Adeyemi, 58 (3:0). Svensson, 90+5 (4:0)
Foydalanilmagan penalti: Girassi, 54’. Silva, 82’
Borussiya D: Kobel, Anton (Emre Djan, 84), Shlotterbek, Anselmino, Nmecha (Bellingem, 78), Zabitser (Gros, 78), Svensson, Koutu, Brandt (Chukvuemeka, 69), Adeyemi, Girassi (Silva, 68)
Vilyarreal: Luis Junior, Foyt, Veyga, Kardona, Mourinyo (Navarro, 84), Partey (Marin, 66), Gey, Byukenen (Axomax, 84), Komesanya (Parexo, 74), Pepe (Moleyro, 66), Oluvaseyi
Ogohlantirishlar: Adeyemi, 72
Chetlatish: Foyt, 50
