Дортмунднинг "Боруссия" клуби Чемпионлар лигаси умумий босқич 5-туридан ўрин олган "Вильярреал"га қарши баҳсда 4:0 ҳисобида зафар қучди. Ўйин Германиядаги "Сигнал Идуна Парк" стадионида бўлиб ўтди.

Биринчи бўлим сўнгида Серу Гирасси ҳисобни очди. Иккинчи бўлим бошида меҳмонлар ҳимоячиси Хуан Фойт пенальтига сабабчи бўлди ва қизил карточко олди. Гирасси 11 метрлик жарима зарбасини голга айлантира олмади, аммо қайтган тўпга биринчи бўлиб зарба берди ва дубль қайд этди. Орадан 5 дақиқа ўтиб Карим Адейеми ҳисобни йирик кўринишга олиб келди. 81-дақиқада дортмундликларнинг яна бир ҳужумчиси Фабиу Силва ҳам 11 метрлик жарима зарбасини голга айлантира олмади. Ҳакам томонидан қўшиб берилган дақиқалардаёқ Даниэль Свенссон "Вильярреал" дарвозасига тўртинчи тўпни йўллади.

"Боруссия" очколарини 10 тага етказиб, мусобақа жадвалида 4-ўринга кўтарилиб олди. "Вильярреал" эса 34-поғонада бормоқда - 1 очко.

ЕЧЛ. 5-тур

26 ноябрь, 01:00

Боруссия Дортмунд - Вильярреал - 4:0

Голлар: Гирасси, 45+2 (1:0). Гирасси, 54 (2:0). Адейеми, 58 (3:0). Свенссон, 90+5 (4:0)

Фойдаланилмаган пенальти: Гирасси, 54’. Силва, 82’

Боруссия Д: Кобель, Антон (Эмре Джан, 84), Шлоттербек, Ансельмино, Нмеча (Беллингем, 78), Забитцер (Грос, 78), Свенссон, Коуту, Брандт (Чуквуэмека, 69), Адейеми, Гирасси (Силва, 68)

Вильярреал: Луис Жуниор, Фойт, Вейга, Кардона, Моуриньо (Наварро, 84), Партей (Марин, 66), Гей, Бьюкенен (Ахомах, 84), Комесанья (Парехо, 74), Пепе (Молейро, 66), Олувасейи

Огоҳлантиришлар: Адейеми, 72

Четлатиш: Фойт, 50