Madridning "Real" klubi hujumchisi Kilian Mbappe jamoa atrofida tarqalayotgan noxush mish-mishlarga izoh berdi.
"Kemada bo‘ron bo‘lishi mumkin... lekin hech kim kemadan o‘zini tashlamaydi. Bu yil chempionlikni qo‘lga kiritish uchun barchamiz birgamiz," - deya Mbappening so‘zlarini keltiradi jurnalist Fabrisio Romano.
"Real" Chempionlar Ligasi umumiy bosqichining 5-turi doirasida safarda Gresiyaning "Olimpiakos" jamoasini mag‘lub etdi. O‘yin 4:3 hisobida yakunlandi. "Qaymoqranglilar" safidagi barcha gollar Mbappe hisobiga yozildi.













