"Arsenal" bosh murabbiyi Mikel Arteta "Chelsi"ga qarshi o‘yindan oldingi matbuot anjumanida Leandro Trossardning holati haqida gapirdi.
30 yoshli belgiyalik vinger jarohati sabab "Bavariya"ga qarshi o‘yin (3:1) birinchi bo‘limida almashtirilgan edi.
"Leo bugun yana bir tekshiruvdan o‘tishi kerak. Uning o‘zini qanday his qilayotganini ko‘rish kerak. Jiddiy hech narsa yo‘qqa o‘xshaydi. Bizda yana bir necha soat bor, shuning uchun kutamiz va tomosha qilamiz.
Uning qaydnomada bo‘lish ehtimoli bor", - dedi ispaniyalik mutaxassis.
Trossard joriy mavsumda jami 16 ta o‘yinda 5 tadan gol va golli uzatma amalga oshirdi.













