"Арсенал" бош мураббийи Микель Артета "Челси"га қарши ўйиндан олдинги матбуот анжуманида Леандро Троссарднинг ҳолати ҳақида гапирди.
30 ёшли бельгиялик вингер жароҳати сабаб "Бавария"га қарши ўйин (3:1) биринчи бўлимида алмаштирилган эди.
"Лео бугун яна бир текширувдан ўтиши керак. Унинг ўзини қандай ҳис қилаётганини кўриш керак. Жиддий ҳеч нарса йўққа ўхшайди. Бизда яна бир неча соат бор, шунинг учун кутамиз ва томоша қиламиз.
Унинг қайдномада бўлиш эҳтимоли бор", - деди испаниялик мутахассис.
Троссард жорий мавсумда жами 16 та ўйинда 5 тадан гол ва голли узатма амалга оширди.
