"Manchester Siti" futbolchisi Savio qishki transfer oynasida jamoani tark etishi mumkin.
Braziliyalik futbolchi "shaharliklar"ning umidlarini oqlay olmadi, shuning uchun munosib taklif bo‘lsa, yanvarda sotilishi mumkin. Football Insider xabariga ko‘ra, "Manchester Siti" 21 yoshli Savioni 50 mln funtga (taxminan 57 mln yevro) baholamoqda. Vingerga hamon "Tottenxem" qiziqish bildirmoqda, jamoa o‘tgan yozdayoq transferni amalga oshirishga urinib ko‘rgandi.
Savinyo joriy mavsumda Xosep Gvardiola jamoasining 15 o‘yinida bitta gol va ikkita assist muallifiga aylandi. Futbolchining amaldagi shartnomasi 2031 yilgacha mo‘ljallangan.













