Meksikaning "Monterrey" klubi markaziy himoyachisi Serxio Ramos Yevropaga qaytishga tayyorgarlik ko‘rmoqda.
Xabaringiz bor, 39 yoshli futbolchi Yevropaga qaytish uchun joriy klubi bilan yil oxirida tugaydigan shartnomasini uzaytirmaslikka qaror qilgan. Insayder Fabrisio Romanoning xabar berishicha, ispaniyalik faxriy Italiyada kuchini sinab ko‘rishga tayyor. Italiyaning bir qancha klublari, jumladan, "Yuventus" ham yaqin o‘tmishda "Real"ning sobiq sardoriga murojaat qilgan.
Serxio Ramos Meksikaga ko‘chib o‘tgunga qadar "Sevilya", "PSJ" va yuqorida tilga olingan "Real" klublarida to‘p tepgan. Ispaniyalik futbolchi "Monterrey" safida 30 ta bahsda 7 ta gol urgan.
