"PSJ" "Barselona"dan ijaraga olingan "Manchester Yunayted" hujumchisi Markus Reshfordni sotib olish imkoniyatini ko‘rib chiqmoqda. Bu haqda Football Insider nashri xabar bermoqda.
Qayd etilishicha, kataloniyaliklar futbolchi bilan doimiy shartnoma imzolash uchun favorit hisoblanadi. Sotib olish summasi 35 mln yevroni tashkil etadi.
Reshford yozda "Kamp Nou"ga kelganidan beri 18 ta o‘yinda 6 ta gol urdi va 7 ta golli uzatmani amalga oshirdi. "PSJ" endi vaziyatni diqqat bilan kuzatmoqda va agar "Barselona" hech narsa qilmaslikka qaror qilsa, Markus Reshfordga qiziqishni kuchaytirishi mumkin.













