"Vankuver Uaytkeps" safida to‘p tepayotgan germaniyalik yulduz hujumchi Tomas Myuller MLS pley-off finalida "Inter Mayami"ga qarshi kechadigan uchrashuv haqida gapirdi.

"Bizni mavsumning hal qiluvchi o‘yini kutib turibdi. Jamoamizga dunyoning eng yaxshi futbolchisi raqiblik qiladi. Messi hamon yuqori saviyada o‘ynamoqda. Bu Myullerning Leoga qarshi o‘yini emas. Bu "Vankuver" va "Inter" o‘rtasidagi final," - deya germaniyalik hujumchining so‘zlarini keltiradi Marca gazetasi.

Eslatib o‘tamiz, MLSning pley-off bosqichidagi final bahsi 6 dekabr, shanba kuni bo‘lib o‘tadi. Chempionlik taqdirini Mayamidagi stadionda bo‘lib o‘tadigan bitta uchrashuv hal qiladi.