"Ванкувер Уайткэпс" сафида тўп тепаётган германиялик юлдуз ҳужумчи Томас Мюллер МЛС плей-офф финалида "Интер Майами"га қарши кечадиган учрашув ҳақида гапирди.
"Бизни мавсумнинг ҳал қилувчи ўйини кутиб турибди. Жамоамизга дунёнинг энг яхши футболчиси рақиблик қилади. Месси ҳамон юқори савияда ўйнамоқда. Бу Мюллернинг Леога қарши ўйини эмас. Бу "Ванкувер" ва "Интер" ўртасидаги финал," - дея германиялик ҳужумчининг сўзларини келтиради Marca газетаси.
Эслатиб ўтамиз, МЛСнинг плей-офф босқичидаги финал баҳси 6 декабрь, шанба куни бўлиб ўтади. Чемпионлик тақдирини Майамидаги стадионда бўлиб ўтадиган битта учрашув ҳал қилади.
