Ispaniyalik vinger Marko Asensio "PSJ"dan "Fenerbaxche"ga o‘tishi borasida o‘z fikrlari bilan o‘rtoqlashdi. 7,5 million yevrolik transfer 2025 yil sentyabr oyida amalga oshirilgan.

"Mavsum yaxshi boshlandi, keyin jarohat tufayli 2 oyga safdan chiqdim, ammo barchasini muvaffaqiyatli yakunladik. Keyingi mavsum ham yaxshi boshlandi, ammo bir kechada murabbiyning mehrini yo‘qotdim. Futboldan zavq olishni xohladim, shuning uchun yo‘l izlay boshladim," - deya futbolchining so‘zlarini keltiradi Marca.

"Menga ma’lum bo‘lishicha, aniq hech narsa sodir bo‘lmagan. Balki u bu savolga javob bera olar. Men Luis Enrikeni yaxshi bilaman. Boshqa o‘yinchilar va xodimlar bilan ham shunday bo‘lgan. O‘z navbatida, men gina saqlamayman. Professional futbolda shunday bo‘lishi mumkin - vassalom."

Joriy mavsumda futbolchi klub miqyosida 14 ta o‘yinda 6 ta gol urdi va 2 ta golli uzatmani amalga oshirdi. 1 dekabr oqshomida uning jamoasi musobaqa peshqadami "Galatasaroy" bilan kuch sinashadi, jamoalarni 1 ochko ajratib turibdi.