"Barselona" darvozaboni Mark-Andre ter Shtegen umumiy guruh mashg‘ulotlariga qaytdi, deya xabar bermoqda insayder Fabrisio Romano o‘zining ijtimoiy tarmoqdagi sahifasida.

33 yoshli germaniyalik posbon belidagi muammo tufayli mavsum boshini o‘tkazib yubordi.

Manbaga ko‘ra, ter Shtegenga qishki transferlar oynasi arafasida bir necha klublar qiziqish bildirmoqda va bu qiziqish so‘nggi vaqtlarda yanada ortgan.

Futbolchining klub bilan amaldagi mehnat shartnomasi 2028 yilning yoziga qadar mo‘ljallangan. Avvalroq, germaniyalik posbon o‘ynash imkoniyatiga ega bo‘lmagani uchun murabbiylar shtabi bilan ziddiyatga borgani xabar qilingandi. Hozirda jamoaning asosiy posboni Joan Garsiya hisoblanadi.