"Барселона" дарвозабони Марк-Андре тер Штеген умумий гуруҳ машғулотларига қайтди, дея хабар бермоқда инсайдер Фабрицио Романо ўзининг ижтимоий тармоқдаги саҳифасида.
33 ёшли германиялик посбон белидаги муаммо туфайли мавсум бошини ўтказиб юборди.
Манбага кўра, тер Штегенга қишки трансферлар ойнаси арафасида бир неча клублар қизиқиш билдирмоқда ва бу қизиқиш сўнгги вақтларда янада ортган.
Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Аввалроқ, германиялик посбон ўйнаш имкониятига эга бўлмагани учун мураббийлар штаби билан зиддиятга боргани хабар қилинганди. Ҳозирда жамоанинг асосий посбони Жоан Гарсия ҳисобланади.
