Matbuotda Xabi Alonso "Real"dan iste’foga chiqarilishi haqida mish-mishlar paydo bo‘la boshladi. Matbuot anjumanida madridliklar yetakchisi bu borada izoh berdi.
- Sizni ishdan bo‘shatish haqidagi gaplar bezovta qilyaptimi?
- Bu men uchun savol emas. Mening vazifam - ertangi o‘yin. Mavsumning qaysi bosqichida ekanligimizni bilamiz - oldinda ko‘plab o‘yinlar bor. "San-Mames" stadionida g‘alaba qozonib, safarda g‘alaba tuyg‘usini qaytarish kerak.
- Ba’zilar sizga shubha bilan qarayotgandek tuyulyaptimi? Ularga nima degan bo‘lardingiz?
- Biz La Ligada ham, Chempionlar Ligasida ham o‘ynaymiz. Talabchanlik va tanqid - "Real"dagi hayotning bir qismi. Biz nimani yaxshilashimiz mumkinligiga e’tibor qaratamiz", dedi Alonso.
"Real" ketma-ket uch durangdan so‘ng La Liga turnir jadvalida 2-o‘ringa tushib ketdi.
3 dekabr, chorshanba kuni Xabi Alonso jamoasi "Atletik" mehmoni bo‘ladi.
