"Manchester Yunayted" hujumchisi Joshua Zirkzee "Roma"ga o‘tmaydigan ko‘rinadi.

Niderlandiyalik futbolchi rimliklarning yanvar oyidagi asosiy transfer maqsadi sanalgandi, ammo endi klub rahbariyati boshqa nomzodlarga o‘tishga qaror qildi. Il Messaggero xabariga ko‘ra, "bo‘rilar" vakillari 24 yoshli forvarddan transferda yetarlicha jonbozlik ko‘rmagan - u Angliyada doimiy o‘yin amaliyotiga ega bo‘lmasa-da, ketishini talab qilmagan.

Manbaning ta’kidlashicha, "Roma" "Tottenxem"dan Matis Telni taklif qilishga moyillik bildirmoqda. Fransuz jamoada zaxira futbolchisi hisoblanadi, shu bois u vaziyatni o‘zgartirishni istaydi.

Transfermarkt portali Zirkzee va Telning narxini mos ravishda 28 va 35 mln yevroga baholamoqda.