"Manchester Siti" bosh murabbiyi Xosep Gvardiola Angliya Premyer-ligasining so‘nggi turidagi natijalar haqida gapirdi. Unda 2-o‘rindagi "shaharliklar" "Sanderlend"ni mag‘lub etgan bo‘lsa (3:0), peshqadam Londonning "Arsenal" klubi "Aston Villa"ga yutqazdi (1:2). Natijada "Siti"ning "kanonirlar" bilan oradagi farqi atigi 2 ochkoga qisqardi.

"Mening tajribamga ko‘ra - kechirasiz, takabbur bo‘lib ko‘rinishni istamayman, lekin baribir Premyer-liga va boshqa unvonlarni qo‘lga kiritish tajribam bor - gap barqarorlikda. Barqarorlik esa faqat bir narsadan - sen qanday o‘ynashingdan kelib chiqadi. Bir kunlik natija yoki oradagi farqni ikki ochkoga qisqartirish yoki to‘rt ochkoga oldinga o‘tib olish imkonini bergan g‘alabadan emas. Barqarorlik sening qanday chiqish qilishingda, yil davomida qanday o‘sishingda bo‘lishi kerak.

Bu 94 daqiqa bu mavsumdagi eng yaxshi o‘yinlarimizdan biri bo‘lishi mumkin. Menimcha, "Arsenal" ochko yo‘qotgan taqdirda ham, bunday yo‘qotishlar juda kam bo‘ladi. Agar biz birinchi o‘rinni egallashni istasak, qayta-qayta g‘alaba qozonishimiz kerak. Hammasi qanday o‘ynashingga bog‘liq, shunchaki omadli kun yoki omadli harakat emas", - deya murabbiyning so‘zlarini keltiradi Tribuna.