"Liverpul" "Renn" himoyachisi Jeremi Jakega qiziqish bildirmoqda. Bu haqda jurnalist Sasha Tavolyeri X ijtimoiy tarmog‘idagi sahifasida ma’lum qildi.
Manbaga ko‘ra, mersisaydliklar ushbu futbolchini jamoani erkin agent sifatida tark etadigan Ibraima Konatening o‘rinbosari sifatida ko‘rmoqda: uning "qizillar" bilan shartnomasi 2026 yilning yozigacha mo‘ljallangan. Jake Yevropaning eng istiqbolli himoyachilaridan biri hisoblanadi.
Jeremi Jake "Renn" tarbiyalanuvchisi bo‘lib, 2024 yildan beri kattalar jamoasida o‘ynamoqda. Hozirgacha uning hisobida ushbu jamoa uchun jami 27 ta o‘yin bor. "Transfermarkt" sayti ma’lumotlariga ko‘ra, Jakening ayni damdagi narxi 12 mln yevroni tashkil etadi.













