"Ливерпуль" "Ренн" ҳимоячиси Жереми Жакега қизиқиш билдирмоқда. Бу ҳақда журналист Саша Тавольери Х ижтимоий тармоғидаги саҳифасида маълум қилди.

Манбага кўра, мерсисайдликлар ушбу футболчини жамоани эркин агент сифатида тарк этадиган Ибраима Конатенинг ўринбосари сифатида кўрмоқда: унинг "қизиллар" билан шартномаси 2026 йилнинг ёзигача мўлжалланган. Жаке Европанинг энг истиқболли ҳимоячиларидан бири ҳисобланади.

Жереми Жаке "Ренн" тарбияланувчиси бўлиб, 2024 йилдан бери катталар жамоасида ўйнамоқда. Ҳозиргача унинг ҳисобида ушбу жамоа учун жами 27 та ўйин бор. "Transfermarkt" сайти маълумотларига кўра, Жакенинг айни дамдаги нархи 12 млн еврони ташкил этади.