FIFA prezidenti Janni Infantino tashkilotning axloq kodeksini buzganlikda ayblangan.
FIFA axloq qo‘mitasiga siyosiy betaraflik majburiyati "bir necha bor buzilgani" haqida rasmiy shikoyat kelib tushdi, shuningdek, AQSH prezidenti Donald Trampga FIFAning birinchi Tinchlik mukofotini topshirish jarayonini tekshirish so‘raldi.
8 sahifali shikoyatni mehnat muhojirlari huquqlari, siyosiy qatag‘onlar va sport masalalari bilan shug‘ullanuvchi FairSquare notijorat tashkiloti bergan.
Hujjatda Infantino FIFA axloq kodeksining 15-moddasida nazarda tutilgan to‘rtta qoidabuzarlikni batafsil bayon qilgan: ularning barchasi Trampning jamoatchilik tomonidan qo‘llab-quvvatlanishi bilan bog‘liq.
Birinchi holat - Infantinoning Trampga tinchlik bo‘yicha Nobel mukofotini topshirishga ommaviy chaqiriqlari. Ikkinchisi - AQSH prezidentining siyosiy dasturini ma’qullash va jamoatchilikni uni qo‘llab-quvvatlashga chaqirish. Uchinchisi - JCH-2026 qur’asi paytida Trampni maqtash. To‘rtinchisi - Infantino inauguratsiyaoldi mitingiga taklif qilgani uchun AQSH prezidentiga minnatdorchilik bildirgan rolik.
FIFAning har qanday qoida va nizomlarini buzganlik uchun jazo choralari ogohlantirish, tanbeh, jarima, qoidalarga rioya qilishni o‘rgatish va futbol bilan bog‘liq har qanday faoliyatda ishtirok etishni taqiqlashni o‘z ichiga olishi mumkin.
